గాలి బుడగలు

"ఈమె గుర్తుందా ???

వన్నెల పడవమీద గోదారి దాటిన మల్లెతీగే !!!

వాసంతాలు వెళ్ళిపోయాక మల్లెలు వాడి .... 

తీగ మిగిలింది . 

ఒంగి చూడు వాసనా కైనా గుర్తుపడతావేమో ????"

" తీగలని కదల్చకూడదు .... శ్రుతి చేయాలి . 

ఏవి ఎలా వాడాలో తెలీకుండా ఉపయోగించడం నేరం !! ,,

"నిన్నటి పెదాల తీయదనం నేడు ఎక్కడవుంది??? నిజానికి అప్పటి తీయదనం కూడా పెదాలది కాదు ,

హృదయాలది .  

మరి నేడు ???? ,,

"బరువెక్కిన కవితా హృదయం బద్దలయితే ,

కన్నీటి కుండల్లాంటి కవితలయ్యాయి . ,,

"తెలుగందం !

తెలుపందం !!

నిలబెట్టే తెలుగుపిల్ల మరింత మకరందం !!!,,

neevu..

నీ జ్ఞ్యాపకాల అడుగుల తడి ,
           నా వెనకాలే అంటే .... భయంగా ఎం లేదు .
వెచ్చటి జీవితంలో .... చల్లని మలయమారుతంలా అనిపిస్తూ ఉంది .



నువ్వు నిజమో? కాదో ?
ఇప్పటికే తేలిపోయింది .
ఇప్పుడు కొత్తగా తేలింది నేను
అబద్దం కాదు అని !!!!

 

అడుగికి అడుగు కాక పోవచ్చు ,
కానీ ,,,,
అలసటలో మాత్రం ఊరటవే !!!!

సమైక్యాంధ్ర

సంతానం ఎంతమందైనా ...... ఎలాంటి వ్యక్తిత్వంతో ఉన్నా .... 

రూపురేఖలలో తేడాలున్నా ....

భావాల్లో భేదాలున్నా ... ,

అందరి రక్తం ఒక్కటే ! ఒక్క తల్లి కన్నదే !

ఆ తల్లి బిడ్డలు గానే ప్రపంచం గుర్తిస్తుంది . 

ఒకడు కష్టపడ్డాను ,ఆటుపోటులు ఎదుర్కొన్నాను వేరే పోతానంటే ,

కలిసి వుండు నాయనా అందరూ తోడుంటారని చెప్తుంది . 

"తెలుగుదనం" అందరినీ ఒక్కటిగా వుండమంటుంది . 

అన్ని జిల్లాల గొప్పదనాలు కలిపి నిలబెట్టి ,

ఖ్యాతి సంపాదించిన నేలని ఎవరి ముక్క వారిదే అని ఎలా పంచుకోగలం ??

చిన్ననాటి కధలా ... పదికట్టెల మోపుకన్నా ..కట్టె ఒక్కటిగానే సులువుగా విరుగుతుంది . 

"సమైక్యవాదం" దగ్గరతనం తెస్తుంది . 

అందరం కలిసుందాం !

అవసరాలు కలిసి పంచుకుందాం !

కస్టాలు ఎదుర్కొని కలిసి నిలబడదాం !

ప్రపంచానికి తెలుగు ఒక్కటే ! 

తెలుగుదనం ఒక్కటే అని చాటిచెబుదాం !!!!!!

తెలుగుని కాపాడుకుందాం

 ____మన భాష !

 ____మన భావం !
____మన బాధ !
____మన భాధ్యత !!!
ఎందరో  మహానుభావుల చరిత్ర మనది !
ఎందరో అనుభవాలను, భావాలను పంచుకున్న భాష మనది !
ఎన్నో ప్రయోగాలను, కీర్తిని ,ఖ్యాతిని గడించిన జాతి మనది !
ఎన్ని భాషల్లో ప్రావీణ్యం సంపాదించినా .....
భాధ ,ప్రేమ ,సానుభూతి సొంత భాషలో కన్నా మధురం ఉంటుందా ??
భాషను ప్రేమిద్దాం !
భావాలను వ్యక్తీకరింద్దాం !

మన పిల్లలకి మన గుణాలు ,బుద్ధులు ,ఆస్తులు ,
రోగాలు ,ఆచారాలు అందించినట్టే  భాషను  కూడా అందిద్దాం !

అదీ మన భాధ్యతే నని గుర్తిద్దాం !!
 తెలుగుని కాపాడుకుందాం !!!!!

జీవితం

జీవితం గతాన్ని చూస్తూ ...భవిష్యత్ కి ప్రయాణం చేస్తూ ...వర్తమానాన్ని గడుపుతున్నట్టు వుంటుంది.

కాని ఒక్కటి నిజం....

గతాన్ని మార్చలేం ......అవి జ్ఞ్యాపకాలు .

భవిష్యత్ ని లిఖించలెమ్  ...అవి నుదిటి  రాతలు.

నువ్వు వేసే అడుగే వర్తమానం....చూసుకుంటూ ...సరిచేసుకుంటూ ..వెయ్ !!! అంతే !

గతం జ్ఞ్యపకం లా కాక అనుభూతిగా మిగులుతుంది.

భవిష్యత్ రాత గా కాక ....ఆశగా గోచరిస్తుంది.

 

manishi

మనిషి మంచి వైపు కంటే చెడు వైపు

                      ఆకర్షితుదవుతూ వుంటాడు.

ఆ చెడు గురించి పశ్చాతాపపడుతుంటాడు .

పైగా అదో వ్యక్తిత్వంమ్  లా గర్వంతో మురిసిపోతుంటాడు.

ఇతరులకి అర్ధం కాని గొప్పదనం తనలో ఉన్దని  ఆత్మవంచనకి గురవుతాడు.

నీ వొస్తావ్ ..!!

"గుండె బాధతో నిండినపుడు ,

మాట పెగలక మౌనం నా భాష అయినపుడు ,

రెప్పలు నిశ్సబ్దంగా ...కన్నీరు

ఒలికించినపుడు,

నేననే నిస్తేజం ...నన్నొదిలి వెల్లిపోతానన్నపుడు,

అప్పుడే ...సరిగ్గా అప్పుడే ...,

నేనున్నానంటూ ...నీవు నా గుండె గది తడతావ్ !

వెన్నెలంత చల్లని నవ్వుతో ,

గతాన్నంతా తోడి , నా హృదయాన్ని జ్ఞ్యపకాల్తో తడిపేస్తావ్!

ఈ రోజెంత నిజమో ??నిన్నటి నీ జీవితం అంతకంటే నిజం అని

నిరూపిస్తావ్ !

నీదిగా నిండిన స్వేచ్ఛావాయువుల చల్లదనం ...

ఇంకా నీతోనే ఉందంటావ్ !

మరిపిస్తావ్ ! మురిపిస్తావ్ !!

నిజాలని నమ్మమంటావ్ !!

నిన్ను నీవు వదలొద్దు అంటావ్ !!

కానీ ...,

కానీ ...,

ఒక్కటి మాత్రం ఎప్పటికి చెప్పవ్ !

ఆ రోజులు మరలా తిరిగి వస్తాయని ....

మరిన్ని జ్ఞ్యపకాలై ,నాలో మిగులు తాయని !!!!!,,

నిన్నటి కల...

"నిన్నటి కల నిజమై .... ముంగిట నిలిచింది !
నిశ్శబ్దాన్ని జయించి , చైతన్య శంఖారావం పూరించింది !
నిస్తేజం రెక్కలు విదిల్చి ,నూతన ఉత్సాహం పుంజుకుంటోంది !
నిదురించిన ఆశలు, చైతన్య విహంగాలయినవి.
నేననే పదం కొత్త అర్ధాలు వెతుక్కుంటోంది .
చీకటి చారలు వెనుక .......ఏదో కొత్త ఉత్సాహం నాకోసం
ఎదురుచూస్తోంది .
నిన్నటి కల నిజమై , కలతలేని రాత్రులకు నాంది పలికింది.
ఆనందం అంచులను తాకుతోంది.,,